AURKEZPENA
H5P modulu ezestandarrak https://h5p.org/ webguneko eduki interaktiboak Moodle-n gehi dezake plataformatik irten gabe.
H5P kode irekikoa, doakoa, HTML5 eta moldagarria da, hots, gailu mota guztietara egokitzen da (ordenagailu, tableta, smartphone, etab.)
H5Pko
materialak erraz partekatu eta berrerabil daitezke. Aitzitik, ez da
komenigarria jarduera hauek ebaluazio ofizialetan erabiltzea,
programatzen dakien ikasle batek emaitzak ikus bailitzake ikasi behar
izanik gabe, nabigatzailean orriaren iturburu-kodeari begiratuz.
H5Pn
jarduera-mota asko presta daitezke: bideo interaktiboak, denbora
lerroak, aurkezpenak, oroimen-jolasak... 38 eduki-mota arte. Egia esan,
gehienak Moodle-n beste moduluren bidez gara daitezke, baina H5P jardueren itxura grafikoa oso erakargarria izaten da.
Ikastaro honetan
bi jarduera erakargarri bezain emankor probatuko ditugu: bideo
interaktiboa eta denbora-lerroa. Horiek sortzeko prozedura ikasi eta
gero, erraza izango zaizu beste jarduera-motak probatzea. Adibidez, lehen saio presentzialean ikusi genituen aurkezpenak (1 eta 2)
H5Prekin prestatu nituen. Bideo interaktiboan erabiliko dituzun hainbat
tresna (galderak, oharrak, irudiak...) aurkezpenetan ere txerta
ditzakezu. Denbora eta gogoa izanez gero, praktikako zure ikastaroan horiekin kuxkuxeatu dezakezu.