AURKEZPENA
Gai honetan definizioetan oinarritutako hainbat posibilitate aztertuko dugu.
Lehenik, glosategi-modulua erabiliko dugu definizio-bilduma sortzeko. Bilduma oinarria izango da jolas-moduluaren bidez hainbat jolasen sorrera automatizatzeko: gurutzegramak, hitz-zopak, sudokuak, urkatua edo sugeak eta eskailerak.
Ondoren, karta-jokoa izeneko modulua (flashcard) berrikuspen-tresna boteretsu bezain atsegina dela ikusiko dugu. Berrikusteko bi modu aztertuko ditugu, hots, modu askea eta leitner.
Kontuan izan saio guztiek lehen saio honen egitura bera izango dutela:
- Aurkezpena: Saioaren azalpen orokorra.
- Ikas-jarduerak: Zure taldearen ikastaroan daukazun gaiaren barruan egin beharreko jardueren deskribapena eta horiek garatzeko argibideak.
- Ereduak: Egin behar dituzun jardueren ereduak, lanaren emaitzak nolakoa izan behar duen ulertzen lagunduko dizutenak.
Zalantzarik edo ekarpenik izanez gero, hainbat bide daukazu:
- Zure zalantzak ikastaro-kide guztientzat interesgarria izan daitezke. Horregatik, bide zuzenena Ikasgela foroa erabiltzea da. Mezuaren kopia partaideon emailetara iritsiko da. Lehenbailehen erantzuten saiatuko naiz.
- Zalantza edo iruzkina irakasleari pertsonalki azaldu nahi badiozu, erabil ezazu barne-mezularitza.
- Nire egunkaria tresna egokia da ikasten ari zarenaz hausnartzeko (zer ikasi duzun, zailtasunak, kezkak...)
- Kontu-kontari foroa komunikazio informalerako gunea duzu. Bertan, jarduera akademikoarekin zerikusi zuzena ez izan arren, edozein ikas-egoeratan behar-beharrezkoa suertatzen den komunikazioa bultzatuko dugu.
*Oharra: Gogoratu foroetan eta egunkarian parte hartzea azken ebaluazioan kontuan izango dela eta, gehienez, 2 puntuz balioetsiko dela.