4.2 Sortu denbora-lerroa
H5P moduluaz denbora-lerroa prestatuko dugu. Normalean denbora-lerroak erabiltzen dira garai historiko batean artistak, zientzialariak, pertsonaiak edo gertaera historikoak kokatzeko, baina beste zeregin batzuetarako ere baliagarriak izan daitezke, hala nola, laborategiko esperimentu baten prozedura, proiektu baten faseak edo taldeko lan bat burutzeko urratsak grafikoki errepresentatzeko.
Denbora-lerroaren abantailak bereziki itxura grafikoaren erakargarritasun eta eraginkortasuna dira. Irudiak eta eskemak lerro interaktibo batean kokatzeak ikasleek ulertu eta gogoratzea errazten du.
Ereduak atalean modulu honekin egindako denbora-lerro bat ikus dezakezu. Lanean hasi aurretik, pentsa ezazu zeri buruzko denbora-lerroa eta zertarako erabiliko duzun. Bildu irudiak, datak edo beharko dituzun datu guztiak. Oso erraza dela konturatuko zara.
Eskuinaldean praktikako zure ikastaroan denbora-lerroa eraikitzeko argibide guztiak dauzkazu. Bideo honek ere urrats garrantzitsuenak modu grafikoan ulertzen lagunduko dizu:
Laguntza gehiago behar baduzu, jo ezazu Ikasgela forora.
Denbora-lerro baten pantaila-argazkia