2.2. Sortu aurrez aurreko galdetegia
Osaketaren baldintzak
Irekitze-data: asteazkena, 2018(e)ko urtarrilaren 3(e)an, 22:00(e)tan
Entregatze-data: asteazkena, 2018(e)ko urtarrilaren 10(e)an, 22:00(e)tan
Aurrez aurreko galdetegia modulu ezestandarra da. Ohiko galdetegiak ez bezala, aurrez aurreko galdetegia ez dago guztiz automatizatuta. Irakasleak gidatu egiten du.
Mekanika oso xumea da:
- Irakasleak gelako proiektorea erabili behar du. Ikasle bakoitzak bere ordenagailua izango du. Hortaz, informatika-gelan egiteko moduko galdetegia da, edo ikasgelan ordenagailu eramangarriekin (sakelako telefonoez ere egin daitekeen arren).
- Irakasleak galdera bat erakutsi eta denbora emango die ikasleei erantzun dezaten. Ondoren, erantzunen estatistika pantailan ikusi eta komentatu ahal izango da.
- Prozedura galdera guztiekin errepikatuko da.
Ohiko galdetegiarekin erkatuz, aurrez aurreko galdetegiak irakasleari aukera ematen dio gelaren egoeraren diagnostikoa egiteko, ikasleen gaizki-ulertuak unean zuzentzeko, gai bat taldean elkarrekin errepasatzeko... Posibilitateak anitzak dira.
Ikasleen aurrean anonimatua gorde daitekeen arren, irakasleentzako estatistiketan ikasle guztien emaitzak erakusten dira.
Eskuin aldeko argibideei jarraituz, sortu berri dituzun aukera anitzeko galderetatik abiatuz berehala prestatuko duzu aurrez aurreko galdetegia.
Oharrak:
- Aurrez aurreko galdetegian Moodle-ko galdera-mota guztiak erabil daitezke, estandar nahiz ezestandarrak. Hala ere, estatistikak ikasgelari erakusteko emaitza onenak lortzen dira aukera anitzeko galderak erabiliz.
- Zoritxarrez, Ereduak ataleko aurrez aurreko galdetegia ezin duzu ikasle gisa probatu. Benetako proba egiteko neuk saioa ireki eta ikastaro-kide guztiok batera egin beharko zenukete eta, ulertuko duzunez, hori online egitea zaila da. Jarduera hau zure ikasleekin eta zure gelan probatu beharko duzu. Primeran dabil. Sinets iezadazu!
