Bilduma: Animal Allies Bloga

Animal Allies Bloga

Euskara.::.Castellano

Nor gara?

Overclock Axular(r)en profil-argazkia

FLL  lehiaketan parte hartzen duen  10 kideko taldea gara.

Lortutako sariak honako hauek izan dira:

  • Proiektu zientifiko onena (FLL Euskadi, 2009-10)
  • Talde lan onena (FLL Espainia, 2009-10)
  • Denontzako diseinua (FLL Euskadi, 2010-11)
  • Proiektu zientifiko onena (FLL Espainia, 2010-11)
  • Euskadiko 2. talderik onena (FLL Euskadi, 2011-12)
  • Talde lan onena (FLL Espainia, 2011-12)
  • 1. sari absolutua (FLL Italia 2011-12)
  • Euskadiko 3. talderik onena (FLL Euskadi, 2012-13)
  • Espainiako proiektu zientifikoaren aurkezpen onena (FLL Espainia, 2012-13)
  • Ikerketari saria (FLL Euskadi, 2013-14)
  • Ikerketari saria (FLL Euskadi, 2014-15)
  • Robotaren portaeraren saria (FLL Euskadi, 2015-16)
  • 1. sari absolutua (FLL Euskadi, 2015-16)
  • 2. sari absolutua (Gran Final FLL España 2015-16)
  • Estrategia eta berrikuntzaren 2. saria (FLL OEC 2015-16)
  • 3. sari absolutua (FLL Euskadi, 2016-17)
  • 2. saria diseinu mekanikoari (Gran Final FLL España, 2016-17)

Hiru aldiz ere sailkatu gara Open European Championship delako final-txapelketarako:

  • 2010 - Istambul  (Turkia) Open European Championship
  • 2011 - Delft (Holanda) Open European Championship
  • 2012- Riva de Garda (Italia) 1. sari absolutua (FLL)
  • 2016- Tenerife (Espainia) Open European Championship

Zientzia azoka edo Teknoskopioan:

  • 2011 - Zientzia ikerketa saria
  • 2012 - Zientzia eta teknologia saria

FECYTek antolatutako Madrilgo Finde Científico-an:

  • 2015 - Lehen saria

Overclock Axularren babesle ofizialak

FLL Euskadiren babesle ofizialak

Argazki-albuma

(Zehaztapenak)

Albisteak 2016-17 RSS

Alcobendaseko "Finde Científico" ferian

Aurreko maiatzaren 27 eta 28an, FECYT (Fundación Española de Ciencia y Tecnologia) erakundeak Alcobendasen antolaturiko "Finde Científico" ferian parte hartu genuen. Bertan, 40 taldek baino gehiagok urtean zehar garaturiko proiektu zientifikoen berri eman zuten, diziplina eta zientzia anitz jorratuz, hala nola, alegiazko errealitatea, biologia edo fisika. Asteburu aparta izan zen Madrileko hiritarrentzat zientzian murgiltzeko giro lasai eta atseginean.

Guk ere aukera izan genuen Xaulevel dB Meter proiektua azaltzeko bertaratuei. Oso jardunaldi gogorra, baina atsegingarria izan zen, eta gure proiektuak eskatzen duen kontzientziazio atala betetzeko aukera izan genuen bertan. Gainera, gainontzeko taldeen proiektuak eta MUNCYT museoa bisitatu ahal izan genituen, gure jakintza zientifikoa handituz. Hitz gutxitan, esperientzia paregabea izan zen bertakoa. Madrilera egindako bisita ere hagitz dibertigarria eta lasaia izan zen.

Azkenik, eskerrak eman nahi dizkiogu Finde Científico ekitaldia antolatu duten erakunde guztiei, bai eta stand-a bisitatu duten guztiei ere. Espero dugu beste urte batean bueltatzeko aukera izatea! 

Elburgo Junior

Elburgo Junior

Elburgo Junior

Elburgon bisita

Aurreko larunbatean, apirilaren 8an, Arabako Elburgo herrian izan ginen bertako FLLko taldearekin, TechnoClub Elburgorekin, informazioa trukatzen. Denboraldian zehar landutako proiektuen berri eman ondoren, beren aurkezpenak entzun genituen, bai eta FLL Junior taldeak egindako proiektuena ere. Tarteka, galderak eta xehetasunak azaldu genituen. Horrez gain, datorren denboraldian landu beharko dugun erronka kontuan izanik, inguruko uraren erabilera, tratamendua eta sistema ezberdinak ikusteko aukera izan genuen. Azkenik, herrian bertan bazkaldu genuen.

Oso egun luzea eta gogorra eduki izanagatik ere, oso ondo pasatu dugu! Mila esker, TechnoClub Elburgo, zuen harrera adeitsuarengatik. Esperientzia paregabea izan da.

Elburgo Junior

Teknologia eta informatika klaseak

Azken egun hauetan, gure taldeko zenbait partaidek informatika, robotika eta teknologiako klaseak eman dituzte gure ikastolan bertan. Klaseen helburua aurtengo FLLko denboraldian ikasi eta landutako edukiak ezagutaraztea da. Adibidez, talde batek robotaren inguruan gauzatzen ditu beren klaseak; nola eraiki oinarrizko egiturak LEGO robotentzat, nola programatu robota, etab. Beste talde batek arduinoekin lanean dihardu. Txartelaren ezaugarri eta kontzeptu garrantzitsuenak azaldu ondoren, semaforo bat eraikitzea litzateke helburua. Azkenik, hirugarren taldeak scratch bidezko programazioa lantzen du Android gailuentzat aplikazio bat diseinatzeko. 

Klaseak oso ondo doaz, eta gure ikastolako kideak asko ikasten ari dira.

Explicando

Robot

APP

Gure robota aurkezten

Asteazken honetan, martxoak 29, gure robotaren ezaugarri eta xehetasunak azaldu dizkiegu Batxiller 2ko fisikako ikasleei. Egitura mekanikoaz, osagaien atxikipenaz eta engranaje zein osagaien funtzionamenduaz gain,  robota nola programatzen den azaldu diegu, bai eta aurtengo misioen inguruko bideo labur bat erakutsi ere. 

Batxiller 2ko ikasleak oso gustura ibili dira, eta beren ikasteko grina une oro azaldu digute. Mila esker!

Explicando

Nuestro robot

Diseinu Mekanikoaren 2. Saria

Robotari dagokion Diseinu Mekanikoaren 2. Saria eskuratu dugu! Gaurko eguna oso gogorra izan da, baina lan handia egin ondoren, sari batekin bueltatuko gara etxera. Hain zuzen ere, sari horrek gure robotaren atazen, egitura orokorraren eta elementuen antolakuntzaren bikaintasuna saritzen du. 

Hasteko, robotaren sailkapenean 5. gelditu gara, 203 punturekin. Oso harro gaude lortutako postuarekin, misioak bikain egin baititu. Egunak aurrera zerraien heinean, proiektu zientifikoa eta baloreen proiektua aurkeztu ditugu. Epaileak oso gustura gelditu dira azalpenekin, bai eta taldekideok gogoz eta sakonki azaldutako galderekin ere. Azkenik, proiektu teknikoari dagozkion azalpenak eman ditugu. Hemen ere epaileen zoriona lortu dugu.

Beraz, oso gustura bueltatuko gara etxera. Ikaragarri ondo pasatu dugu Logroñon eta espero dugu hurrengo urtean ere gure lanak aurrera eramatea. Eskerrik asko lagundu diguzuen guztiei! Orain, lanera.

2º premio

2º premio 2

(Zehaztapenak)

Lizentzia

Creative Commons Lizentzia Overclock Axular Taldeko bloga Creative Commons Eratorritako Lanik Gabeko Lizentzia 3.0 Unported lizentziapean dago.

Overclock Axular blogean lizentzia honetatik haraindiko baimenak aurki daitezke.

 

(Zehaztapenak)

Logo eLKARTU

Overclock Axular Taldeko Belaunaldien Arteko Plataforma

(Zehaztapenak)